一來睡不著，二來又唔想自己唔開心，於是，繼續睇電視。我一直覺得，有線電視，功德無量，抵佢賺到我錢。

亂咁轉台，本身想等睇 Raul 同摩連迪斯（其實我鍾意簡尼沙利斯，但係佢實無正選啦。仲有，點解摩生走晒樣既？），點知見到《五個嚇鬼的少年》既 making of。咁容易，我就十個開心同興奮喇。

嘩嘩嘩，葉偉信真係十個靚仔呀﹗﹗﹗對唔住，真係好有 charm，好好好靚。點解呢？色相。真係咁容易叫人興奮同開心？係唔係好膚淺？少少咁啦，但係，唔膚淺又點，好深奧點解又會唔開心？

葉生相信都非常咁覺得自己好樣，如果唔係點解 making of 都要故佈疑陣，最後「揭穿」自己個樣？我又確係唔信馬偉豪做得出呀。睇佢成日做戲，又《惑星軌跡》，又《走火槍》（HMV 皆有售），就知道，唉，都係一樣咁自戀。之但係，又確實，佢又真係無理由唔戀自己既……

所以每次睇《新紮師妹》，我都唔會走漏眼，一定會睇佢扮救護員，我先安樂。幾鬼死開心。

今期《Milk》同《新 MONDAY》都係千嬅同吳彥祖做封面呀（《士多》都係楊千嬅。）。嘩，楊千嬅個傻樣真係十個白癡呀哈哈。方麗娟，真係幾幾幾咁幸福呢。本來拍烏蠅，拍拍下竟然變左同吳彥祖拍拖？係呀，我唔鐘意怪野架，唔好要我扮清高，我係鐘意楊千嬅。做乜喎，紅就一定白癡膚淺既~又？我真係覺得，見到佢就成個人開心晒。我不嬲都鍾意心地好既人。

起「月展」手瓜都始終要找夫婿
賜我勇氣出去追個萬人迷
可惜一身的衣衫不夠大體
實在沒法令靚仔著迷

烏龍小姐不懂得去擺姿勢
愛到嚇怕他才知我有問題
奮勇到搭架小巴都會撞毀
撞到頭破為了與他傾偈

真，係，丫，撞到頭破，為了與他傾偈。哼哼哼哼哼哼哼~!!!!!

哈哈，點解咁容易就開心番呢？

答案好簡單，因為，世界上仲有好多好靚既人囉﹗﹗﹗唔淨止得您架﹗﹗﹗哈哈哈﹗﹗﹗

p.s.1. 《美麗任務》官方網站可 click﹕.ici.

p.s.2. 哼哼哼哼哼哼哼~!!!!! 誰還令我悻悻然？激鬼死我﹗﹗﹗